، کاتژمێر ١٤ بە کاتی ئۆسلۆ بە سەدان کەس لە چالاکانی سیاسی سەر بە حیزبەکان، هەڵسووڕاوانی سیاسی و مەدەنی سەر بەخۆ لە بەر دەرگای ئیستگای قەتاری شاری ئۆسلۆ کۆبوونەوە.
لەم خۆ پیشاندانەدا لە لایەن ڕێکخراوەکانەوە پەیام و بابەتەکانیان خوێندرایەو و بڵاو کردنەوەی موزیک و سرودی شۆڕشگێڕانە و دروشم دان لە دژی کۆماری ئیسلامی بە زمانەکانی کوردی، فارسی و نۆروێژی بەشێکی دیکە لەبەرنامەی خۆپیشاندانەکە بوو.
لەم خۆ پیشانەدا پەیامی حیزب و ڕێکخراوە سیاسییە کوردییەکان، دۆلچە ویتا، کومیتەی ئێرانی نۆروێژی، حیزبی خەڵکی بەلوچ، حیزبی دیموکرات مەسێحی ئێران، گروپی لیربتی و ڕێکخراوی نێو نەتەوەیی هانای ڕۆژهەڵات لە لایەن نوێنەرەکانیانەوە خوێندرانەوە.
شایانی باسە کۆمەڵێکی بەرچاو لە هاوڕێیانی کۆمەڵە بەشداری ئەو خۆ پیشاندانە بوون و شان بە شانی بەشداربوانی دیکە، پشتیوانیان لە خەباتی خەڵکی بەلوچ کرد و کۆماری ئیسلامییان ئیدانە کرد.
خۆ پیشاندان کاتژمێر ١٤ بە فەرمی دەستی پێکرد و کاتژمێر ١٥،٣٠ کۆتایی پێهات.

کۆمەڵەی شۆڕشگێڕی زەحمەتکێشانی کوردستانی  ئێران
کومیتەی نۆروێژ