ڕۆژی پێنج شەمە ڕێکەوتی٢٥ی مارسی ٢٠٢١ لە ڕێو ڕەسمێکی تایبەتدا تەرمی هاوڕێ جەمال میرزادە لە لایەن هاوڕێیانی کۆمەڵە لە نۆروێژ و بنەماڵەی کاک جەمال و کۆمەڵێک لە دۆستان و ناسیاوان لە گۆڕستانی شاری سارپسبۆرگ ئەسپەردە کرا.

بە هۆی بار و دۆخی تایبەت بە کرۆنا، مۆڵەتی گردبوونەوەی جەماوەر نەدرا، بە سەدان کەس لە هاوڕێیانی کۆمەڵە، دۆستان و ناسیاوان پێوەندیان گرت و هەوڵی بەشداری کردنیان لە ڕێو ڕەسمی بە خاک سپاردن ئەدا کە بە داخەوە مەجالی بەشداری هاوڕێیان و دۆستان نەڕەخسا، بەو حاڵەشەوە دەیان کەس لە هەڵسووڕاوانی کۆمەڵە، ئەندامانی بنەماڵی کاک جەمال و هاوڕێیانی دێرین و ئاشنایان کاتژمێر ١٢ لە گۆڕستانی شاری سارپسبۆرگ 
 بە گوڵی سوور بە دەستەوە کۆبوونەوە و تەرمی هاوڕێ جەمالیان ئەسپەردە کرد.
ڕێو ڕەسمی ئەسپەردە کردن کاتژمێر ١٢ی نیوەڕۆ بە خوێندنەوەی سروودەکانی کۆمەڵە دەستی پێکرد و تا کاتژمێر ١٣ی دوانیوەڕۆ درێژەی پێدرا. شایانی باسە هاوڕێ ئیبراهیم کۆنەپۆشی بەو بۆنەوە وتارێکی کورتی پێشکەش بە ئامادەبوان کرد، سوپاسی بەشداربوانی کرد و لە لایەن کۆمیتەی ناوەندی، کۆمیتەی دەرەوەی وڵات و سەرجەم کادر وئەندامان و دۆستانی کۆمەڵە لە نۆروێژ سەرەخۆشی لە بنەماڵەی هاوڕێ جەمال میرزادە کرد.
لە درێژەدا کاک عەلی پایا لە لایەن بنەماڵەوە کورتە باسێکی پێشکەش کرد و سوپاسی ئامادەبوانی کرد.
پاشان ئامادەبوان  تاجە گوڵینە و چەپکە گوڵیان لە سەر مەزاری هاوڕێ جەمال دانا. ڕێو ڕەسمەکە بە بڵاو کردنەوەی سروودی شۆڕشگێڕانە درێژەی پێدرا و کاتژمێر ١٣ کۆتایی بەڕێو ڕەسمەکە هێندرا.

یادی کاک جەمال میرزادە و سەرجەم گیانبەختکردوانی کۆمەڵە بە درێژەدان بە ڕێگایان بەرز وبەڕێز ڕا ئەگرین

کۆمیتەی نۆروێژ
کۆمەڵەی شۆڕشگێڕی زەحمەتکێشانی کوردستانی ئێران
٢٦ی٣ی٢٠٢١