چالاکیەکان
پشتیوانیی لە ناڕەزایەتیی کرێکاران لە ئێران لە شاری ئامستڕدام
10:15 - 14/7/2021
لە پێناو پشتیوانیی لە ناڕەزایەتیی کرێکاران لە ئێران ئاکسیونێک لە شاری ئامستڕدام بەڕێوە چوو
دواینیوەڕۆی رۆژی دووشەممە ١٢ی مانگی جولای بە مەبەستی پشتیوانیی لە ناڕەزایەتیی کرێکاران لە ئێران ئاکسیونێک لە مەیدانی "دام"ی شاری ئامستڕدام لە هۆڵەند بەڕێوە چوو.
ئاکسیون لە لایەن شۆڕای سەراسری ڕێکخستنی ئاکسیونەکان لە هۆڵەند ڕێکخرابوو. لە گردبوونەوەکەدا جیا لە پەیامی شۆڕا، هەرێک لە بەشداربووان پەیامی خۆیان پێشکەش بە ئامادەبوان کرد هەروەها پەیامی کۆمەڵەی شۆڕشگێڕ لە لایەن هاوڕێ کاوە سەرسەیفی بۆ بەشداربووان خوێندراوە.
جیا لە پیام و دروشم چەندین پلاکارد بە نووسراوی جۆراوجۆر لە پێناو پشتیوانیی لە بزووتنەوی سەراسەری کرێکاران لە ئێران ئامادە کرابوون.
هاوڕێیانی کۆمەڵە یەکێک لە ڕێکخەران و لە بەڕێوەبەرانی گردبوونەوەکە بوون وە هەروەها ڕۆڵی سەرەکییان هەبوو لە بەڕێوەچوونی ئاکسیۆنەکە.
شایانی باسە چەند هەفتەیەکە کە کرێکاران لە ئێران بە شێوەیەکی سەراسەری لە هەمبەر دۆخی نالەباری ژیان دژ بە کۆماری ئیسلامی ئێران بە شێوەی مانگرتن بزووتنەوەیەکی سەراسەرییان وەڕێخستوە و لە ناو خۆ و لە کۆمەڵگای نێونەتەوەی دەنگدانەوەی بەرچاوی هەبوە و پشتیوانیی لێکراوە.
کۆمەڵەی شۆڕشگێڕی زەحمەتکێشانی کوردستانی ئێران
کۆمیتەی هۆڵەند
بابەتی زۆرتر
- ڕاپۆرتێک لە سێمیناری ژن پێشەنگی ئازادی کە لە وڵاتی لە سویس بەرێوە چوو
- ڕاپۆرتێک لە سێمیناری ژن پێشەنگی ئازادی کە لە وڵاتی لە سویس بەرێوە چوو
- ڕێوڕەسمی ڕێزگرتن لە ٢٦ی ڕێبەندان ڕۆژی كۆمەڵە،ئاڵمان- فرانكفۆرت- بەشی ٣
- ڕێوڕەسمی ڕێزگرتن لە ٢٦ی ڕێبەندان ڕۆژی كۆمەڵە،ئاڵمان- فرانكفۆرت- بەشی ٢
- ڕێوڕەسمی ڕێزگرتن لە ٢٦ی ڕێبەندان ڕۆژی كۆمەڵە،ئاڵمان- فرانكفۆرت- بەشی ١